မြန်မာ့အရေး ဟောလီးဝုဒ် သရုပ်ဆောင်များပါဝင်လာ
ကိုစိုး | မေ ၂၊ ၂၀၀၈

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေး အပါအဝင် မြန်မာနိုင်ငံသားများအားလုံး စစ်အစိုးရ၏ ဖိနှိပ်မှုဒဏ်ခံနေရခြင်းအား ကမ္ဘာက ပိုမိုသိရှိနိုင်ရန်အတွက် အမေရိကန် ဟောလီးဝုဒ် သရုပ်ဆောင် များစွာ ပါဝင်သည့် အချိန် တလ ကြာ ပြုလုပ်မည်ဖြစ်သော ဗီဒီယိုလှုပ်ရှားမှုကို ယမန်နေ့ က စတင်လိုက်သည်။

အဆိုပါ လှုပ်ရှားမှုကို သရုပ်ဆောင် ဝေလ် ဖာရေးလ်နှင့် စတင်လိုက်ပြီး နာမည်ကြီး သရုပ်ဆောင်မင်းသား ဆီးလ်ဗက်စတား စတောလုံး အပါအဝင် သရုပ်ဆောင် ဂျက်နီဖာ အန်နစ် စတန်၊ အယ်လန် ပေ့ခ်ျ၊ ဆာရာ့ စီလ်ဗာမန်၊ အန်ဂျယ်လီကာ ဟပ်စတန်၊ ဝူဒီ ဟာရယ်လ်ဆန်၊ ဂျု အပတ်တိုး စသည့် ဟောလီးဝုဒ် သရုပ်ဆောင် ၃၀ ခန့် ပါဝင်မည့် ယင်း ဗီဒီယိုလှုပ်ရှားမှုကို အမေရိကန် နိုင်ငံ အခြေစိုက် မြန်မာ့အရေးလှုပ်ရှားသူများအဖွဲ့(US Campaign for Burma-USCB)က ဖော်ဆောင်လိုက်ခြင်းဖြစ်သည်။

ယင်းလှုပ်ရှားမှုမှာ မြန်မာစစ်အစိုးရ၏ လူ့အခွင့်အရေးချိုးဖောက်မှုများနှင့် ပတ်သက်၍ အဓိက ဖော်ပြခြင်းဖြစ်ပြီး ဟောလီးဝုဒ် သရုပ်ဆောင်များ၏ ပြောကြားချက် ဗီဒီယို ကို အင်တာနက် စာမျက်နှာတွင် တင်ထားမည်ဖြစ် ကြောင်း၊ ယခုလှုပ်ရှားမှုတွင် USCB အဖွဲ့အား ကမ္ဘာ့ပြည်သူ သန်းနှင့်ချီ၍ ပါဝင်ဆက်သွယ်ရန် ရည်ရွယ်ကြောင်း သိရှိရသည်။ (ယင်း အင်တာနက် စာမျက်နှာကိုကြည့်ရန် ဤနေရာတွင် နှိပ်ပါ)

ဒေါ်အောင်ဆန်းစုကြည်သည် လွန်ခဲ့သည့် ၁၈ နှစ်ကစတင်၍ စစ်အစိုးရ၏ ဖမ်းဆီးချုပ်နှောင်မှုများကို အကြိမ်ကြိမ် ခံခဲ့ရရာ ယခုမေလ ၂၇ ရက်ဆိုလျင် နေအိမ်အကျယ်ချုပ်ဖြင့် နေရချိန် ၁၂ နှစ်ရှိပြီဖြစ်သည်။ ထို့ကြောင့် ယခု နှစ်ပတ်လည်တွင် စစ်အစိုးရက နေအိမ်အကျယ်ချုပ် သက်တမ်းထပ်မတိုးရန်လည်း ယင်း ဗီဒီယိုလှုပ်ရှားမှု၏ ရည်ရွယ်ချက်တွင် ပါဝင်သည်ဟု ဆိုသည်။

ဟောလီးဝုဒ် သရုပ်ဆောင် ဝေလ် ဖာရေးလ်က“ကမ္ဘာကြီးရဲ့အပြောင်းအလဲတခုအဖြစ် ဒေါ်အောင်ဆန်းစုကြည်ရဲ့ ဇွဲသတ္တိ ကို ဂုဏ်ပြုတဲ့အနေနဲ့၊ သူမကို စာနာရိုင်းပင်းတဲ့အနေနဲ့ သင်လည်း ဆက်သွယ် ပါဝင်လိုက်စမ်းပါ၊ သူမဟာ ကမ္ဘာ့ကြီးရဲ့စံပြုဖွယ် တဦးတည်းသော အကျဉ်းစံ အမျိုးသမီးဖြစ်ပါတယ်”ဟု ပြောဆိုသည်။

အလားတူ ဒေါ်အောင်ဆန်းစုကြည်နှင့် ၈၈ မျိုးဆက်ကျောင်းသား ကိုမင်းကိုနိုင်တို့ လွတ်မြောက်ရေးအတွက် အမေရိကန် အထက်လွှတ်တော်အမတ်များဖြစ်သည့် ဒိုင်လန် ဖိုင်းစတိုင်း နှင့် ရစ်ချတ် ဒါဘင်တို့ကလည်း ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းနှင့် ကုလသမဂ္ဂ လူ့အခွင့်အရေး မဟာမင်းကြီး လူးဝစ် အာဘာတို့သို့ ဧပြီ ၃၀ ရက်စွဲဖြင့် လိပ်မူ၍စာတစောင်ပေးပို့ခဲ့သည်။