ရန်ကုန်သတင်းသမားတဦး၏ တနေ့တာ
အေးချမ်းမြေ့| မတ် ၃၁၊ ၂၀၀၈
မြန်မာနိုင်ငံမှာ ဘယ်သူ့ကို အမုန်းဆုံးလဲဟု ကျမကို မေးလာခဲ့လျင် ကားစပယ်ယာများ၊ နိုင်ငံကို အုပ်ချုပ်နေသည့် အာဏာရှင်များနှင့် စာပေစိစစ်ရေးအဖွဲ့၏ ညွှန်ကြားရေးမှူးချုပ်ဟူ၍ပင် ဖြေမိပါလိမ့်မည်။ ပြောခဲ့သည့် အစီအစဉ်အတိုင်း ဘတ်စကား စပယ်ယာများက အမုန်းဆုံး ဖြစ်နိုင်ပါသည်။
ကျမနေထိုင်သည့် မြို့မှ ရန်ကုန်မြို့လယ်သို့ နေ့စဉ် ၄၅ မိနစ်ခရီးကို တိုးကျပ်ညစ်ပတ်နေသည့် ဘတ်စ်ကားစီး၍ သွားရပါ သည်။ လူကျပ်ညပ်နေသည့် ဘတ်စ်ကားထဲသို့ ရောက်အောင် တိုးဝင်ရင်း ကားတစီးလုံး၏အာဏာကုန်ပိုင်ဆိုင်သော ဘတ်စ်ကား စပယ်ယာ၏ အမိန့်ကို နာခံလိုက်နာရပါသည်။ သူက “အထဲဝင်ကြပါ၊ အဝမှာပဲရပ်မနေပါနဲ့.. တိုးကြပါ၊ တိုးကြပါ” စသဖြင့် ညွှန်ကြားချက်များ အဆက်မပြတ်ပေးနေပါသည်။
ကားစပယ်ယာက တတ်နိုင်သမျှ လူရအောင် ကားထဲသို့ အတင်းသွတ်သွင်းပါသည်။ သူတို့က ကားစီးသူများကို တွန်းထိုး သွင်းပုံမှာလည်း အတော်ကြောက်မက်ဖွယ် ဖြစ်ပါသည်။ "ကားခပေးဖို့ မမေ့နဲ့လေ.." ဟု ကားစီးသူများကို အော်ငေါက် တတ်သလို "ပိုက်ဆံပေးဖို့ လက်တို့ မတောင်းရစေနဲ့နော်" ဟူ၍လည်း ပြောတတ်ပါသေးသည်။
ဘတ်စ်ကားအများစုမှာ ၁၉၄၀ ပြည့်နှစ်များကာလက ကားဟောင်းများ ဖြစ်ကြပြီး ပြေးဆွဲမောင်းနှင်နေကြသေးသည်မှာပင် အန္တရာယ် အတော်များလှပါသည်။ ယုံကြည်ကိုးစားရန်လည်း ခက်ပါသည်။ ကားပျက်သည့်အခါများတွင် ကျမကဲ့သို့ ခရီး သည်များမှာ အလုပ်နောက်ကျကြရပါသည်။
ကျမလိုရာ ကားမှတ်တိုင်သို့ ရောက်သည့်အခါ ရုံးသို့ခရီးဆက်ရပါသည်။ ရုံးခန်းရောက်ရန် ၇ထပ်အမြင့်သို့ လှေကား အတိုင်း တထစ်ချင်း လျှောက်၍ တက်ရပါသည်။ ကျမတို့ရုံး အဆောက်အဦတွင် စက်လှေကားမရှိပါ။ ဤလှေကား ထစ်များကိုတက်၍ ရုံးရောက်သွားသည့်အခါ အားအင်ကုန်ခမ်း နွမ်းနယ်သွားရပါတော့သည်။
ရုံးခန်းမကျယ်ကြီးတွင် ကျမတို့ လူ ၇၀ ခန့် အလုပ်လုပ်ကြပါသည်။ ယနေ့သည်ဖောင်ပိတ်ရက်ဖြစ်သောကြောင့် ကျမ၏ စားပွဲပေါ်တွင် စာရွက်ပုံကြီးကအထပ်လိုက် စောင့်နေပါသည်။
အင်တာနက်ဆက်သွယ်၍ရသည့် ကွန်ပျူတာက တလုံးသာရှိပြီး အခန်းထောင့်တွင် တည်ရှိနေကာ သော့ခတ်ထားပါသည်။ ကျမတို့က ဤကွန်ပျူတာသုံးလိုလျင် အုပ်ချုပ်ရေးဝန်ထမ်းများထံမှ ခွင့်ပြုချက်နှင့်သော့ တောင်းခံရပါသေးသည်။
ရုံးချိန်အတွင်းတွင် အင်တာနက်မှတဆင့် စာရိုက်စကားပြောခြင်း (ချက်ရွမ်း) များနှင့် အီးမေးလ်ပို့ခြင်း လက်ခံခြင်းများကို တားမြစ်ထားပါသည်။ ဤကွန်ပျူတာကိုလည်း မုန်းရပါသည်။
လွန်ခဲ့သောနှစ် စက်တင်ဘာလက သံဃာများလမ်းမပေါ်ထွက်၍ ဆန္ဒပြကြသည့်အခါ ပိုင်ရှင်လည်းဖြစ်၊ စာတည်းချုပ် လည်းဖြစ်သူက ကျမတို့ကို သတင်းရယူနိုင်ရန် ခွင့်ပြုခဲ့ပါသည်။ သို့သော်လည်း ဤအဖြစ်အပျက်များကို သတင်းအဖြစ် မရေးနိုင်ကြပါ။ မြန်မာသတင်းထောက်အများက နိုင်ငံတကာသတင်းဌာနများ၊ ပြည်ပရှိ သတင်းမီဒီယာအုပ်စုများနှင့် အဆက်အသွယ် ရှိကြကြောင်းလည်း ကျမသတိပြုမိပါသည်။
ကျမတို့၏ ရုံးတွင် ဂြိုဟ်တုရုပ်မြင်သံကြား လက်ခံဖမ်းယူနိုင်သည့် စလောင်းလည်း ရှိမထားပါ။
ကျမတို့က သတင်းများကြည့်နိုင်ရန်အတွက် စာတည်းချုပ်ကို ဂြိုဟ်တုစလောင်းတခုဝယ်ယူတပ်ဆင်ပေးရန် ပြောကြသည့် အခါ သူက အံ့သြဖွယ်ရာ သဘောတူလက်ခံခဲ့ပါသည်။ သို့သော်လည်း ပစ်ခတ်ချေမှုန်းမှုများ ဖြစ်လာသည့်အခါ သူက စိတ်ပြောင်းသွားပြီး ကျမတို့ကို လမ်းပေါ်ဆင်းခွင့် ပိတ်ပင်လိုက်ပါတော့သည်။ ဆန္ဒပြသံဃာများနှင့် ဆက်သွယ်နေမှု မှန်သမျှကိုလည်း ရပ်ဆိုင်းကြရန် တားမြစ်ပါသည်။
"မင်းတို့က သတင်းတွေ တကယ်ကြည့်ချင်တာလည်း မဟုတ်ပါဘူး။ ဒါကြောင့် ငါက ဂြိုဟ်တုစလောင်း မတပ်ပေးတာ" ဟု သူက ဆိုလာပါသည်။
"ဘာပဲဖြစ်ဖြစ် ဆန္ဒပြပွဲတွေက နောက် ၂ရက်၊ ၃ရက်ဆိုရင် ပြီးသွားမှာပဲ" ဟု သူပြောခဲ့သည့်အတိုင်း မှန်ပါသည်။ ဆန္ဒပြပွဲများက အချိန်တိုသာ ခံခဲ့ပါသည်။ ဂြိုဟ်တုစလောင်းလည်း တပ်ဆင်ဖြစ်ခဲ့ခြင်း မရှိပါ။
ကျမတို့၏ သတင်းခန်းတွင် စီမံခန့်ခွဲရေးတာဝန်ယူသူနှင့် စာမူရိုက်သူများသာ ကွန်ပျူတာနှင့် အလုပ်လုပ်နိုင်ကြပါသည်။ ကျမတို့ သတင်းထောက်များနှင့် အယ်ဒီတာများက သတင်းများကို လက်နှင့်သာ ချရေးကြရပါသည်။ သူတို့က တည်းဖြတ်ကြပြီး စာရိုက်သမားထံ လွှဲပြောင်းပေးပါသည်။ နောက်ဆုံးထွက်လာသည့် စာမူကော်ပီကို သတ်ပုံပြန်စစ်ရ ပါသည်။
မကြာခဏ မီးပျက်သောကြောင့်လည်း အလုပ်များ ကြန့်ကြာရပါသည်။ ရုံးတွင် ကိုယ်ပိုင်မီးစက်ရှိသော်လည်း ရုံးပြင်တွင် မီးစက်လည်နေသည့်အခါ ဆူညံသံနှင့် အပူမှာ မခံမရပ်နိုင်ဖွယ် ဖြစ်ပါသည်။
သတင်းဌာနတွင် သတင်းထောက် ၂၅ ဦးခန့် ၀ိုင်းဝန်းလုပ်ကိုင်နေကြပါသည်။ ကျမတို့၏ သတင်းထောက်များမှာ ဖြူလျော်၍ ပိန်လွန်းလှပါသည်။ ဤသို့ ဖြစ်ရသည်မှာလည်း အံ့သြဖွယ်မရှိပါ။ အကြောင်းမှာ သူတို့ရရှိသည့် လစာက တလလျှင် ကျပ် ၄၅၀၀၀ ဝန်းကျင်သာ ရကြသောကြောင့် ဖြစ်သည်။
အလျင်မီစေရန်အတွက် လလယ်ခန့်တွင် ကိုယ်ရမည့် လစာကို ကြိုထုတ်၍ သုံးကြရပါသည်။ သို့သော်လည်း ဤသံသရာ ဆိုးက လည်နေပါသည်။ လကုန်လျင် ယူထားသည့်အကြွေးကိုပြန်ဆပ်ရပြီး ဤအတိုင်း လစဉ် လည်နေကြပါသည်။
လုပ်ငန်းသုံးအတွက်လည်း ငွေအနည်းမျှသာ ချထားပေးပါသည်။ သတင်းထောက်များမှာ တက္ကစီကားများနှင့် ဆိုက်ကားကို လုံးဝစီးခွင့်မရှိ။ သို့အတွက်ကြောင့် တာဝန်ပေးလာသည့်အခါ လူကြပ်ညပ်နေသည့် ဘတ်စ်ကားကိုပင် တိုးစီးကြရပါတော့ သည်။ ကင်မရာ၊ တိပ်ရီကော်ဒါ အသံဖမ်းစက်များမှာလည်း သတင်းထောက်များအတွက် အလွန်ရှားပါးလှပါသည်။
ရုံးပြင်ပမှ ဖုန်းခေါ်ခြင်းကိုလည်း တားမြစ်ထားပါသည်။ သတင်းတခုအတွက် စုံစမ်းအတည်ပြုရန်အတွက်ဖြစ်စေ ဆက်သွယ်ရန်ကိစ္စ တစုံတရာ လိုအပ်လာသည် ဖြစ်စေ ရုံးပြန်ရောက်ပြီးမှ ၇ ထပ်သော လှေကားထစ်များကို တက်၍ ဖုန်းခေါ်ကြရပါသည်။
ကျမ၏ သက်မွေးဝမ်းကြောင်းပညာအပေါ် နှစ်သက်ခုံမင်မှုရှိသော်လည်း ကျမတို့ ရုံးကို ကျမမုန်းပါသည်။ ကျမက သတင်း ဆောင်းပါးများ ရေးသားရသည်ကို ပျော်ပါသည်။ သို့သော်လည်း စာပေစိစစ်ရေးအဖွဲ့တော့ကို မုန်းပါသည်။ သူတို့က ကျမတို့ ရေးသားသမျှစာမူများကို မျက်စိဒေါက်ထောက် ကြည့်နေကြပြီး အစိုးရ၀ါဒဖြန့်ချိရေး ကိစ္စများကို အပတ်စဉ် ထည့်သွင်းဖော်ပြရန် ဖိအားပေးကြပါသည်။
ဤစနစ်ကြောင့် ကျမ၏ လုပ်ငန်းရှင်လည်း လိုက်လျောဆက်ဆံနေရပါတော့သည်။ သူ့တွင် မျက်နှာနှစ်ခုရှိသည်ဟု ဆိုရပါမည်။ တခုက စာပေစိစစ်ရေးကို ပြုံးပြရန်ဖြစ်ပြီး ကျန်တခုကသူ့ဝန်ထမ်းများကို မဲ့ပြရန်အတွက်ဖြစ်သည်။
သူ၏ အခြေအနေက မြန်မာနိုင်ငံရှိ ပုံနှိပ်ထုတ်ဝေသူ အများစုကို ကိုယ်စားပြုထားသည်ဟု ဆိုလျှင်မမှားပါ။ သူတို့အနေနှင့် အာဏာပိုင်များနှင့် ညှိနှိုင်းအပေးအယူပြုရန်၊ လိုက်လျောဆက်ဆံရန် လိုအပ်သည်။ သို့မှသာ လုပ်ငန်းဆက်လက် လည် ပတ်နိုင်မည် ဖြစ်ပါသည်။
တခါက ကျမကို စာပေစိစစ်ရေးအဖွဲ့ အစည်းအဝေးတခုသို့ တက်ရောက်ရန် အယ်ဒီတာချုပ်ကခေါ်ပါသည်။ ဤအစည်း အဝေးတွင် ၎င်းအဖွဲ့အာဏာပိုင်များနှင့် ပုံနှိပ်ထုတ်ဝေသူများအကြား ပူးပေါင်းဆောင်ရွက်ရေး ကိစ္စများကို ဆွေးနွေး ညှိနှိုင်း ကြရန်ဖြစ်ပါသည်။
စာပေစိစစ်ရေးအဖွဲ့၏ အကြီးအကဲ ဗိုလ်မှူးတင့်ဆွေက "ဉာဏ်ကြီးရှင်စကား" ဖြင့် ကမ်းလှမ်းလာခဲ့ပါသည်။ ဂျာနယ်များ နှင့် စာပေစိစစ်ရေးကြားတွင် မည်သို့ မြန်ဆန်အောင် ဆောင်ရွက်နိုင်မည်၊ စာပေစိစစ်ရေးအဖွဲ့ လက်တွင်းကြာမြင့်ချိန်ကို မည်သို့ လျှော့ချနိုင်မည်ဟူသည့် နည်းလမ်းများကိုဆွေးနွေးရန် ဖြစ်ပါသည်။ ဂျာနယ်များသည် ဖောင်ပိတ်အပြီး စာပေစိစစ်ရေးတွင် တပတ်ခန့်ကြာမြင့်ပြီးမှ ပြည်သူများ၏လက်အတွင်းသို့ ရောက်ရှိသဖြင့် သတင်းများမှာ နောက်ကျ ပုပ်သိုးပြီးမှ စာဖတ်သူလက်ထဲသို့ ရောက်နိုင်ကြသည့် အခြေအနေဖြစ်နေသည်။ ၎င်းအစည်းအဝေးက အတော်ပျင်း စရာကောင်းသည့် အစည်းအဝေးဖြစ်သည်။ ကျမတို့က ဗိုလ်မှူးတင့်ဆွေကို မည်သည့် အကြံပြုပြု သူက နားထောင်ခြင်း မရှိပါ။
ဤသို့ဖြင့် ရုံးတွင် တနေကုန်နေထိုင်ပြီးနောက် ညနေ ၆ နာရီထိုးလျင်တော့ အိမ်သို့ ပြန်ရန် အချိန်ရောက်ပါပြီ။ လူအများ ပြည့်ကျပ်နေသည့် ဘတ်စ်ကားကို တိုးစီး၍ ကားစပယ်ယာ၏ မေတ္တာကို ခံယူကာ အိမ်ပြန်ရပါဦးမည်။ အိမ်ရောက် သည့်အခါ မှောင်နေပြီ။ သားတွေ၏ "မေမေ" ဟု ဆီးကြိုနှုတ်ဆက်လိုက်သောအသံကြားရသည့်အခါ အမောပန်း ပြေသွားရပြန်ပါသည်။
မှောင်မည်းနေသည့်အိမ်က ကျမကိုဆီးကြိုနေသည်။ ကလေးများ၏ အဘွားဖြစ်သူက ညစာပြင်ဆင်ရန် ဖရောင်းတိုင်မီး ကိုညှိလိုက်သည်။
မြန်မာနိုင်ငံ၏ အမှောင်ထု မည်သည့်အခါတွင်မှ လင်းလာမလဲ ကျမ စဉ်းစားနေမိပါသည်။ ဤသို့ စဉ်းစားမျှော်လင့်နေ ကြသည်မှာ ကျမတဦးတည်း မဟုတ်ပါ။ နောက်ဆုံး အမှောင်ကိုခွင်း၍ အလင်းရောက်လာပါလိမ့်မည်။
အေးချမ်းမြေ့ ရေးသားသည့် Hard News ကို ဆီလျော်အောင် ပြန်ဆိုဖော်ပြပါသည်။
အေးချမ်းမြေ့သည် မကြာသေးမီကာလအထိ ရန်ကုန်အခြေစိုက် အပတ်စဉ်ထုတ်ဝေသည့် ဂျာနယ်တစောင်တွင် အကြီးတန်း အယ်ဒီတာအဖြစ် တာဝန်ယူဆောင်ရွက်ခဲ့သူတဦး ဖြစ်သည်။ [Top]
|
