ကန့်ကွက်မဲပေးရေး ရခိုင်အမျိုးသမီးများ လှုပ်ရှား
အေးလဲ့ | မေ ၂၊ ၂၀၀၈
ရခိုင်ပြည်နယ်အတွင်း ကန့်ကွက်မဲပေးရေး ပိုစတာ လှုပ်ရှားမှုကို ရခိုင်အမျိုးသမီးများ အစည်းအရုံး(RWU)မှ ပြုလုပ်နေ သည်ဟု သိရသည်။
ပိုစတာများတွင် “နအဖ လူထုဆန္ဒခံယူပွဲကို နည်းမျိုးစုံဖြင့် တိုက်ဖျက်ကြ“(အတတ်နိုင်ဆုံး ကန့်ကွက်မဲပေးကြ) “စစ်အာဏာ ရှင်စနစ် အောက်မှ လွတ်မြောက်ရန် ပြည်သူတရပ်လုံး တညီတညွတ်တည်း ကြိုးစားကြ” စသည့် စာတန်းများပါဝင်ကြောင်း RWU အဖွဲ့က ပြောသည်။
ယင်းစတေကာ ပိုစတာ လှုပ်ရှားမှုကို ဧပြီ ၂၇ ရက်၊ ၂၈ ရက်များတွင် ပြုလုပ်ခြင်းဖြစ်ပြီး ရခိုင်ပြည်နယ်ရှိ မြို့နယ် ၈ မြို့နယ် ခန့်တွင် ပြုလုပ်ခြင်းဖြစ်ကြောင်း သိရသည်။
ရခိုင်ပြည်နယ် စစ်တွေ၊ ရသေ့တောင်၊ ပေါက်တော၊ မင်းပြား၊ မြေပုံ၊ ပုဏ္ဏားကျွန်း၊ ကျောက်တော်၊ မြောက်ဦးနှင့် မြောင်ဘွယ် စသည့်မြို့နယ်တို့တွင် ဖြန့်ဝေလှုပ်ရှားခြင်းဖြစ်သည်ဟု RWU အဖွဲ့ဝင်တဦးက ပြောသည်။
“လမ်းမကြီး၊ လမ်းကြားတွေနဲ့ ကျောင်း၊ သစ်ပင်၊ ဆေးရုံ၊ ဈေး တွေမှာ ဖြန့်ဝေထားပါတယ်၊ မြို့ဝင်ပေါက်၊ ထွက်ပေါက်တွေနဲ့ အာဏာပိုင်တွေရဲ့ အိမ်ဝင်း တချို့ထဲကိုလည်း ဖြန့်ဝေပါတယ်”ဟု RWU ဥက္ကဌ မစောမြ ရာဇာလင်း က ပြောပြသည်။
၎င်းတို့လှုပ်ရှားမှုနှင့်ပတ်သက်ပြီး အာဏာပိုင်များက တိုင်းပြည် လုံခြုံရေးအတွက် အထူးသတိထားရန် ပြည်သူများကို နိုးဆော်မှုများပြုလုပ်နေကြောင်း၊ ကန့်ကွက်မဲပေးသူ၊ မဲရုံကိုမသွားသူများကို ထောင်သုံးနှစ် ချမည် ဟု ကြိမ်းဝါးနေကြောင်း ကိုလည်း ၎င်းက ဆိုသည်။
“၂၉ ရက်ကစပြီး ကျမတို့လူ ၄ရောက်ကို နအဖ ဘက်က လိုက်လံရှာဖွေနေပါတယ်။ ကျမတို့ လုပ်ရမယ့် အလုပ်တွေက ဒီထက်ပိုကြမ်းမယ်ဆိုတာကိုလည်းသိပါတယ်။ ဒါပေမယ့်လည်းကျမတို့နိုင်ငံအနာဂတ်မှာ တိုင်းပြည်ပြန်လည်တည်ဆောက် နိုင်ရေးအတွက် အစွမ်းကုန်ကြိုးစားသွားမှာဖြစ်တယ်” ဟု ဥက္ကဌ မစောမြရာဇာလင်းက ပြောသည်။
ဆက်လက်ပြီး ရခိုင်ပြည်နယ်အတွင်း ထောက်ခံမဲပေးရန် စည်းရုံးရေးဆင်းနေသည့် အဏာပိုင်အကြီးအကဲများက ထောက်ခံ မဲပေးလျှင် လစာနှင့်ရာထူးတိုးပေးမည်၊ ကန့်ကွက်မဲပေးလျှင် ရားထူး၊အလုပ်ဖြုတ်ခံရမည် ဟူ၍ ဝန်ထမ်းများကို ပြောဆိုမှု များရှိကြောင်းလည်း သိရသည်။
ရခိုင်ပြည်နယ်သည် ဆန္ဒခံယူပွဲနှင့်ပတ်သက်ပြီး တက်ကြွစွာလှုပ်ရှားနေမှုကြောင့် အာဏာပိုင်များက လုံခြုံရေး တင်းကြပ် ထားကြောင်း ဒေသခံများထံမှ သိရသည်။
နောက်ဆုံးကြားသိသည့်သတင်းအရ ရခိုင်ပြည်နယ်ရှိ ဆန္ဒခံယူပွဲကို ဆန့်ကျင်သည့် မဲရုံတရုံအတွက် စစ်သား အယောက် ၂၀၀ ခန့်ချထားမည်ဖြစ်ကြောင်း၊ ဧပြီ၂၉ ရက်နေ့က ဒေသခံ ပြည်သူများ ထံမှ ဆန်၊ဆီ၊ ဆား စသည့် စားရေ ရိက္ခာများကို လုံခြုံရေးတပ်ဖွဲ့ဝင်များက တောင်းခံနေသည်ဟု လည်း ဒေသခံ မျက်မြင် တဦးကပြောသည်။
ရခိုင်အမျိုးသမီးများအစည်းအရုံး(RWU)ကို ၁၉၉၈ ခုနှစ်တွင် အိန္ဒိယ-မြန်မာ-ဘင်္ဂလားဒေ့ရှ် နယ်စပ်တွင် စတင်ဖွဲ့စည်း ခဲ့ခြင်းဖြစ်သည်။ [Top]
|
